Рецепт за посни ванилици

Начин на подготовка:

1. Замесете маргарин, брашно, сок од лимон, малку кора од лимон и ванилин шеќер. Тестото мора да е со средна тврдина и не смее да се троши и дроби.
2. Прекријте го со проѕирна фолија и почекајте околу 20 минути.
3. Кога тестото ќе се одмори, растегнете го на дебелина од половина сантиметар и со калап вадете кругчиња.
4. Редете ги во плех на кој сте ставиле хартија за печење и оставете ги да се печат во претходно загреана рерна на 200 степени околу 10 минути.
5. Кругчињата не треба да бидат кафеави, туку посветли и кога ќе се изладат спојувајте ги со џем и извалкајте ги во шеќер во прав.