Ако сакате ситни и вкусни колачиња без мака и печење, ова е рецептот за вас.
Состојки:
- 2 банани
- 50 гр. шеќер во прав
- 100 гр. кокос
- 250 гр. мелени бисквити
- кокос за валкање
Подготовка:
- Се лупат бананите и се матат со шеќерот во прав за да се добие смеса без грутки, а се препорачуваат што е можно позрели банани во рецептот.
- Се додава кокос и се меша со лажица, па се става малку повеќе од половина од количината на бисквитите и се меси со раце, додавајќи ја постепено останатата количина бисквити додека месите.
- Се прават топчиња, се валкаат во кокос.