Лесно јадење, едноставно за подготовка…
Состојки:
- 350 гр макарони
- 500 гр брокули
- 300 мл јогурт
- 250 гр швапско сирење
- 200 гр трапист
- 2 јајца
- сол
- бибер
- масло
Начин на подготовка:
- Брокулите исчистете ги од корен и раздвојте ги на цветови, па измијте ги под млаз студена вода.
- Потоа кратко бланширајте од три до пет минути во посолена врела вода.
- Омекнатите брокули исцедете ги и оставете ги на страна.
- Посебно обварете макарони ал денте, па и нив процедете ги од вишокот течност.
- Во длабок сад измешајте брокули, макарони и швапско сирење, па префрлете во огноотпорен сад намастен со масло.
- Разматете јајца со јогурт и малку масло. Зачинете по вкус и прелијте преку макароните.
- Сè посипете со рендан трапист. Печете во загреана рерна на 200 степени 25 минути.
Добар апетит!
ВИДЕО рецепт: Ќофтиња од компири и туна
ВИДЕО: Домашен рецепт за паштета од туна која се прави за 3 минути
Брзо посно предјадење за целото семејство