Јунешкото месо подготвено на овој начин ќе ве освои. За следниот ручек еве супер идеја!
Состојки:
- 700 гр јунешко месо без коски
- 50 гр свинска маст
- 3 главици кромид
- 2 целер
- 3 моркови
- 60 гр кечап
- 600 мл црно вино
- бибер
- сув зачин
- сол
- ловоров лист
Начин на подготовка:
- Месото исчистете го од жили и исечете го на коцки со големина на залак.
- Во лонец загрејте маст, додајте ситно сечкан кромид, морков и корен целер исечкан на ленти, малку посолете па пржете на тивок оган додека зеленчукот не омекне.
- Потоа во лонецот додајте кечап, исечкано месо, ловоров лист, додајте црно вино и вода колку да ги покрие состојките. Откако ќе зоврие, гответе на тивок оган, по потреба додавајќи вода, околу час и половина додека месото не омекне.
- Месото посолете го и побиберете го дури откако специјалитетот ќе биде готов, бидејќи солта ја извлекува водата, па од месото би се исцедил сокот, а запечениот бибер има непријатен вкус и мирис.
Добар апетит!
Прочитај Gotvi.mk рецепти:
Супер брз и вкусен домашен сос за хамбургер или пилешко
Многу вкусно – потпечена тава со пилешко месо и печурки
Кинеска кујна: Како да зготвите брокула со пилешко