Брз и вкусен ручек од мелено месо.
Состојки:
- 500 гр мелено месо
- 2 парчиња праз
- 1 јајце
- 50 гр презла
- 2-3 лажици маслиново масло
- сол
- бибер
- сув зачин
- 2 јајца за прелив
- 150 мл павлака за готвење за прелив
- сол за прелив
Начин на подготовка:
- На малку маслиново масло пропржете го меленото месо. Додајте исечкан праз, па зачинете со сол, бибер и зачин. Динстајте на слаб оган десетина минути. Тргнете од оган, додајте презла и разматено јајце. Добро соединете, па ставете во огноотпорен сад кој сте го премачкале со малку путер или маргарин и сте го посипале со брашно. Печете на 200 степени 15-20 минути.
- Разматете јајца и павлака за готвење, посолете по вкус, па ставете преку месото и уште кратко запечете. Печеното јадење изладете го, па исечкајте го на парчиња и послужете со сезонска салата.
Добар апетит!
Цезар салата + 2 рецепта за дресинг соса
Свежа салата која топи килограми и ја враќа концентрацијата
Топ 5 рецепти за пролетни салати со марула
Малиџано – одличен домашен рецепт