Вкусни италијански ќофтиња…
Состојки:
- шолја презла
- половина чаша млеко
- килограм мелено мешано месо
- главица кромид
- три чешниња лук
- две јајца
- чаша пармезан
- литар сос од домати
- сол, бибер, масло, магдонос
Начин на подготовка:
- Соединете ги млекото и презлата и оставете да отстои 15 минути. Во поголем сад измешајте ги месото, исечканиот кромид и лук, јајцата, пармезанот, солта, биберот и магдоносот, додајте ја смесата со млеко и презла и сè убаво измешајте.
- Формирајте ќофтиња и пржете во голема тава на врело масло додека не поруменат. Додадете го доматниот сос, намалете ја топлината и крчкајте додека не згусне. Послужете со тестенини или пире од компири.
Добар апетит!