Посни мекици – меки и вкусни, се топат во уста

Начин на подготовка:

1. Квасецот измешајте го со 100 мл млака вода, шеќер и 2 лажички брашно па оставете да надојде. Додајте го остатокот од водата, масло и брашно кое претходно сте го просеале и посолиле. Замесете меко тесто, па оставете двојно да се зголеми.
2. За тоа време изрендајте или ситно исечкајте свежа зелка па издинстајте ја на масло и вода, на крај зачинете. Оставете да се излади.
3. Надојденото тесто развлечете го тенко со сукало, вадете поголеми кругови, секој круг со раце уште малку развлечете го. На средина ставајте по лажица фил, преклопете со друг круг тесто, притиснете ги краевите со прсти, а потоа притиснете ги целите микици.
4. Пржете ги мекиците во загреано масло од двете страни и ставајте ги на салфета да се исцедат.