Посни плескавици од соја: Брзо се прават, а вкусот е одличен.
Состојки:
- 150 гр соја снегулки
- 100 гр сува средина од леб
- 2 моркови
- 1 главица кромид
- 2 чешниња лук
- 1 компир
- 1/2 кесичка прашок за пециво
- 200 гр брашно
- 1 лажица сув зачин
- 1/2 лажичка бибер
- масло за пржење
Начин на подготовка:
- Снегулките од соја потопете ги во топла вода да набабрат. Средината на лебот навлажнете ја со топла вода. Кромидот, компирот и морковот ситно изрендајте ги, иситнете, па соединете ги со добро исцедената соја и лебот. Додадете зачини и направете еднолична смеса со брашно. Со набрашнети раце формирајте топчиња и малку израмнете со дланка, па пржете во врело масло. Вадете ги плескавиците на хартиена салфета за да го впие вишокот маснотии. Послужете со прилог и салата по желба.
Добар апетит!