Подготовката на оваа пита од млада зелка не бара многу време. Не ви се потребни ниту кори, а не мора ниту да месите.
Состојки:
- 200 гр брашно
- 1 + 2 јајца
- 1/2 прашок за печиво
- 400 гр рендана млада зелка
- 100 гр шункарица
- 50 мл масло
- 200 мл јогурт
- 100 гр тврдо сирење
- малку кашкавал
Начин на подготовка:
- Во брашното додајте прашок за печиво, измешајте, додајте едно јајце, јогурт, масло, сирење и шунка сечкана на коцки и сè изедначете. Зелката посолете ја и оставете ја 15 минути во сол, па исцедете.
- Разматете 2 јајца со малку масло. Во плех со големина од 22 см на дното ставете хартија за печење па ставете половина од тестото, преку ставете исцедена зелка, и прелијте ја со разматени јајца, па преку тоа вториот дел од тестото.
- Од горе изрендајте кашкавал. Печете на 180 степени околу 40 минути. Оставете да се излади и сечете.
- Послужете со јогурт или кисело млеко.
Добар апетит!
Деталите за подготовка погледнете ги во ВИДЕО РЕЦЕПТОТ на „Бабина кујна“:
Сигурно не сте пробале: Направете солени рафаело бомбици
Похован кромид со кашкавал – идеално мезе за со пиво
ВИДЕО: рецепт за потпечен полнет компир
Хот-дог шпагети: Одличен рецепт кој и дете може да го направи