Плескавици од тиквици и сирење. Вкусен ручек кој ќе го правите постојано.
Состојки:
- 3 средни тиквици
- 250 гр фета сирење
- 1/2 веза копар
- 3 јајца
- 100 гр брашно
- 50 гр презла
- 4 струка млад кромид
- сол
- бибер
- масло
Начин на подготовка:
- Измијте и изрендајте тиквици. Ставете ги во цедилка, посолете и оставете околу половина час да се исцедат. Во меѓувреме, исечкајте млад кромид и измешајте со издробено фета сирење. Додајте ситно сечкан копар и брашно, бибер и сол, но не премногу бидејќи фета сирењето е солено.
- Додајте разматени јајца и сѐ добро соединете. Во оваа смеса додајте исцедени тиквици и сѐ уште еднаш измешајте. Во поголема тава загрејте масло, па ставете по лажица од смесата од тиквици и пржете околу пет минути на секоја страна. Ставете на кујнска хартија да се исцеди од вишокот маснотии.
Добар апетит!
Прочитај поврзани Gotvi.mk рецепти:
Трилече – неверојатно вкусен домашен специјалитет
Неодоливо вкусна: Домашна торта со јагоди
Возможно е – еве како да направиш торта за 10 минути
ВИДЕО: Рецепт за еклер чоколадна торта која не се пече
За секоја прослава – Тигар торта