За овој вкусен појадок не ви требаат повеќе од 20 минути.
Состојки:
- 5 излупени компири
- 1 главица кромид, ситно сечкан
- маслиново масло, за пржење
- 5 големи јајца
- сол
- магдонос
Начин на подготовка:
- Компирите исечкајте ги на кришки и во сад измешајте го кромидот и компирот, посолете по вкус и измешајте.
- Во поголема тава загрејте го маслото и на умерен оган пропржете го кромидот и компирот.
- Изматете ги јајцата. Кога зеленчукот е готов, прелијте со јајцата, по неколку минути нежно превртете го омлетот и пржете уште неколку минути на тивок оган додека не биде готов.
- На крај посипете со сечкан свеж магдонос.
Добар апетит!