Како и кои зачини се користат за подобрување на вкусот на јадењата?

Денес, најголемиот дел од нас не можат да ги замислат своите јадења доколку не се зачинети. Покрај извонредната арома, без додадени маснотии, сол, шеќер и калории, тие го подобруваат вкусот на храната.

Исто така, според многу студии, докажано е дека тие го подобруваат имунитетот, така што додавајќи ги во оброците, му помагаме на нашиот имунолошки систем во борбата против слободните радикали. Имено, зачините се изненадувачки богати и со антиоксиданти, па во таа смисла може во извесна мера да се споредат со овошјето и зеленчукот. Покрај заштитната улога, тие играат улога во намалувањето на воспалителните процеси, а исто така го забрзуваат метаболизмот.

Дел од најчесто употребуваните зачини во кујната и нивната нутритивна корисност:

ЛУК: Има антибиотски и антибактериски карактеристики и затоа е добар во борбата против вирусите и паразитите. Најчесто се користи како подобрувач на вкусот на  додаваме во овчо/јагнешко месо, масно месо, сосови и го користиме како зачин за колбаси. Повеќе содржини на оваа тема се достапни на овој ЛИНК

МАГДОНОС: содржи витамини А и Ц, фолна киселина, калциум и железо. Ливчињата се користат за скара, омлети, пире, варени јадења, салати. Не се готви заедно со самото јадење туку се додава во готовото јадење непосредно пред сервирање. Повеќе содржини и рецепти кои содржат магдонос се достапни ТУКА

КОПАР: Копарот има остар вкус и мирис и се користи за риби, ориз, компири, како додаток на сосови и салати. Содржи изобилство на витамин Ц, рибофлавин, витамин Б6, протеинска киселина, фолна киселина и витамин А. Повеќе содржини на оваа тема се достапни на овој ЛИНК

ЕСТРАГОН: Домашно растение, зачин чии лисја и врвови се користат за фини маринади, како зачин за супа и колачи. Може да се користи свеж или сув.

БОСИЛЕК: Има силен мирис кога е свеж и има сладок вкус. Тој е традиционален додаток на многу италијански специјалитети, а исто така се додава во јадења со домати и јагнешко месо. Повеќе содржини и рецепти кои содржат босилек се достапни ТУКА

МАЈЧИНА ДУШИЦА: Има остар мирис. Се додава на печурки, месо, тиквички, динстани и печени јадења, зеленчук и маринади. Повеќе содржини на оваа тема се достапни на овој ЛИНК

МАЈОРАН: Тој е зачин за месо, особено за јадења од мелено месо, за зачинети сосови, како и за живина.

ЖАЛФИЈА: Има горчлив и има силен мирис. Совршено се вклопува со мелено месо, дивеч, зелка, модри патлиџани и ориз. Повеќе содржини на оваа тема се достапни на овој ЛИНК

РУЗМАРИН: Рузмаринот е многу ароматично медитеранско растение. Лисјата се користат со јагнешко, говедско, дивеч, ѓувеч и печен компир. Повеќе содржини на оваа тема се достапни на овој ЛИНК

НАНЕ: Има сладок мирис и „леден “ вкус. Освежителниот зачин се користи со јагнешко месо, сосови, јаболка, како и за декорација на салати. Се додава во јогурт, кускус, грашок и млади компири. Одличен зачин кој го подобрува вкусот на гравот. Повеќе содржини на оваа тема се достапни на овој ЛИНК

ОРИГАНО: Ориганото е зачин со карактеристична арома. Се користи за маринади, говедско, грав, пилешко, модри патлиџани и тиквички. Одлично е за пици, тестенини, омлети и сос од домати, а често се користи и во грчката кујна. Повеќе содржини на оваа тема се достапни на овој ЛИНК

ЛОВОРОВ ЛИСТ: Ловоровиот лист има ароматичен вкус и остар мирис. Најдобро е да го ставите во супи и чорби, како и со риба, месо и живина.

ЦИМЕТ: Има сладок силен мирис и ароматичен вкус. Се става во колачи, пудинзи, овошни десерти – најчесто кај оние со круши и јаболка. Идеален е за десерти кои се приготвуваат од ориз. Повеќе содржини на оваа тема се достапни на овој ЛИНК

ВАНИЛА: Ванилата се додава на десерти, добра е за зголемување на апетитот, како и против гадење, повраќање и дијареја. Повеќе содржини на оваа тема се достапни на овој ЛИНК

БИБЕР: Се користи во зрна или мелен. Биберот во зрна се користи за маринади, а мелениот за зачинување на  јадења со месо и риба, сосови, супи и јадења од зеленчук. Повеќе содржини на оваа тема се достапни на овој ЛИНК

КОРИЈАНДЕР: Коријандерот е зачин со силен вкус кој одлично одговара со моркови. Се содржи во зачинот кари. Повеќе содржини на оваа тема се достапни на овој ЛИНК

ЃУМБИР: Ѓумбирот има лут вкус, најчесто се користи во супи, сосови и ѓувеч, но и слатки јадења. Меѓу другото, се користи за компот од круша и тиква зимно време, за свинско печење, рагу, маринади, џемови и колачи. Повеќе содржини на оваа тема се достапни на овој ЛИНК

КАРАНФИЛЧЕ: Најчесто се користи за греено вино и компот, но исто така и за супи, зеленчук, јадења со месо и дивеч. Повеќе содржини на оваа тема се достапни на овој ЛИНК

МОРСКО ОРЕВЧЕ: Се користи за подобрување на вкусот на заситени и слатки супи и сосови, за јадења од мелено месо и поховано месо, за зеленчук, и колачи и други слатки јадења.

КАРИ: Мешавина на зачини од индиската кујна. Содржи од 12 до 15 тропски зачини од бибер, ѓумбир, коријандер . Се користи за јадења од ориз, риба, месо, живина и разни сосови. Повеќе содржини на оваа тема се достапни на овој ЛИНК

КИМ: Повеќе од 5.000 години е познат олеснувач на стомачни тегоби. Се користи за супи и сосови, компири, зеленчук, јадења со месо, сирење и колачи со сирење. Повеќе содржини на оваа тема се достапни на овој ЛИНК