Ви донесуваме рецепт за лесен и вкусен десерт.
Состојки:
- 100 гр омекнат путер
- 250 гр шеќер
- 2 јајца
- 1 лажица екстракт од ванила
- 170 гр брашно
- 1 лажица прашок за печиво
- 120 гр кисела павлака
- прстофат сол
- 400 гр исчистени и исечкани јагоди
Начин на подготовка:
- Загрејте ја рерната на 175 степени, па намастете со путер калап за торта со размери 24 см.
- Разматете путер со 200 гр шеќер. Додајте едно по едно јајце, мешајќи, а потоа додајте и екстракт од ванила.
- Во посебен сад измешајте брашно, прашок за печиво и сол.
- Во смесата со јајца и путер додајте наизменично кисела павлака и брашно и добро измешајте. Додајте јагоди па ставете ја смесата во калап за торта.
- Посипете на врвот со останатите 50 гр шеќер. Печете 35-40 минути. Изладете и исечкајте на парчиња.
Уживајте!