Вкусно јадење за свечена трпеза.
Состојки:
- 400 гр свински котлети
- 4 колбаси Пекабеско (околу 400 гр)
- 50 гр свинска маст
- половина свежа црвена пиперка
- половина свежа зелена пиперка
- 15 гр црвен пипер
- 15 гр лут црвен пипер
- 2 главици кромид
- 500 мл бело вино
- 1 ловоров лист
- сол
- бибер
Начин на подготовка:
- Пиперките исчистете ги, измијте ги па исечете ги на коцки, а кромидот на тенки ленти. Во голема тава или лонец ставете лажица свинска маст па на неа пржете го месото и колбасите. Кога ќе бидат готови извадете ги на страна, но не ја фрлајте маста.
- На маснотијата додајте уште една лажица свинска маст, кромид, пиперки и мелен пипер. Така мешајте додека зеленчукот малку не омекне. Кога зеленчукот ќе омекне, додајте бело вино.
- Мешајте и гответе сè додека не зоврие и додека количината вино не се намали на половина. Кога ќе зоврие, додајте месо, колбаси и ловоров лист. Налијте вода колку да ги прекрие сите состојки, па зачинете со сол и бибер. Гответе на слаб оган 40-тина минути.
Добар апетит!
ВИДЕО: Како да направите крцкави компири на шведски начин
ВИДЕО рецепт: Ќофтиња од компири и туна