Во рамки на 5. Недела на италијанската кујна на тема: „Искуства и вкусови од италијанските територии, 200 години од раѓањето на Пелегрино Артузи“, Gotvi.mk се приклучува преку објава на вкусни рецепти и специјалитети од неодоливата италијанска кујна.
Неделата на италијанската кујна е организирана од ИТА-Оддел за економска соработка при Амбасадата на Република Италија, со цел промоцијата на италијанската кујна и гастрономска традиција.
Погледнете како да го подготвите овој специјалитет и уживајте во прекрасниот вкус 🙂
Состојки за 4 лица:
- 280 гр ориз сорта балдо
- 80 гр путер
- 80 гр козја рикота
- 60 мл сок од рибизла
- 0,3 гр ксантан
- 10 гр рибизла во прав
- 1 литар растителен бујон
- 12 листови од крбулица
- 25 гр пармиџано
- 6 гр сол
Начин на подготовка:
- Во сокот од рибизла се додава згуснувачот ксантан и се мати со рачен блендер сѐ додека да добие желатинозна структура, а потоа се става во шишенце со отвор.
- Рикотата се мати со маталка за да стане кремаста и мазна смеса и потоа се става во слаткарски шприц.
- Оризот се застаклува на тава со 20 гр путер, потоа се посолува и се готви со растителниот бујон.
- Кога е готов оризот, надвор од оган се додава путерот и пармезанот и се меша.
- Се сервира во широка чинија, а одозгора се гарнира наизменично со кремата од рикота и со желатинот од рибизла. Се поросува со рибизла во прав и со листови крбулица.
На здравје!