Вкусен рецепт за спанаќ со ориз.
Состојки:
- 1 кг спанаќ
- 80 гр кромид
- 160 гр ориз
- 80 мл масло
- 20 гр доматно пире
- 200 гр кисело млеко
- малку магдонос
- сол
- бибер
Начин на подготовка:
- Ситно исечканиот кромид пропржете го на масло да омекне. Додајте исчистен, измиен и на резанки исечкан спанаќ. Малку пропржете, па додајте ориз, доматно пире, магдонос, бибер, сол.
- Добро измешајте па налијте врела вода и ставете во огноотпорен сад. Ставете во загреана рерна и печете околу 20 минути додека оризот не омекне и не набабри. Послужете со кисело млеко.
Добар апетит!