Брз и неодолив ролат…
Состојки:
- 5 јајца
- 5 лажици брашно
- 5 лажици шеќер
- 1 шолја џем по избор
- 1 мала шолја мелени ореви
- 2 лажици шеќер во прав
Начин на подготовка:
- Одвојте ги белките и жолчките. Во жолчките додајте две лажици шеќер и матете додека не побелат.
- Белките разматете ги во цврст снег со останатите три лажици шеќер. Внимателно соединете ги двете смеси, мешајќи од долу нагоре, за белките да останат цврсти. Лесно мешајќи, постепено додавајте брашно.
- Добиеното тесто рамномерно ставете го во плех обложен со хартија за печење. Печете во рерна на 220 степени 25-30 минути. Печената кора извадете ја, оставете малку да се излади, намачкајте со џем измешан со ореви и свиткајте во ролат. Посипете со шеќер во прав.
Уживајте!