Наместо традиционалните гибаници, корите наполнете ги со мелено месо и ајвар и изненадете ги гостите со нов вкус.
Состојки:
- 500 гр кори за гибаница
- 1 главица кромид
- 1 праз
- 500 гр мешано мелено месо
- малку вегет
- малку бибер
- мала тегла ајвар
- 4 јајца
- малку масло
- малку кисела вода
- 2 чаши кисела павлака
- малку сол
Начин на подготовка:
- Ситно исечканиот кромид и праз пропржете го на малку масло. Додајте мелено месо па уште малку пропржете. Пропрженото месо измешајте го со ајвар.
- Редете по две кори, секоја пропрскајте ја со масло и кисела вода, а секоја втора филувајте ја. Свиткајте ги корите во ролна, ставете во намастен плех, исечкајте на парчиња. Прелијте со разматени јајца и малку сол. Оставете да отстои еден час, па печете во загреана рерна на 200 степени.
Добар апетит!
Прочитај поврзани Gotvi.mk рецепти:
Трилече – неверојатно вкусен домашен специјалитет
Неодоливо вкусна: Домашна торта со јагоди
Возможно е – еве како да направиш торта за 10 минути