Гордана вели дека вака сервираната шарена боранија е вистинска уметност и за очите. Таа често ја приготвува на овој начин зашто комбинацијата на состојки прави уште побогат вкус и мирис на ова здраво и неодоливо јадење. Еве го нејзиниот рецепт:
Состојки:
- Половина пакување замрзната зелена боранија од Пекабеско
- Половина пакување замршната жолта боранија од Пекабеско
- 1 домат или 100 мл доматно пире
- 1 морков
- 1 зелена пиперка
- 1 главица кромид
- 500 мл млака вода
- Масло за јадење
- Сол, црн бибер, црвен пипер и вегета по вкус
- Магдонос по вкус
Начин на подготовка:
- Во загреано масло на оган го додаваме изренданиот кромид да се пропржи додека да омекне. Доколку сакате може да ја приготвите и без кромид. Во тој случај почнете од точка 2 од начинот на подготовка.
- Потоа го додаваме ренданиот домат и зелената ситно сецкана пиперка.
- Кога овие состојќи ќе заруменат во садот ги додаваме зелената и жолтата Пекабеско боранија.
- Продолжуваме со динстање додека боранијата да омекне.
- Кога состојките се омекнати додаваме млака вода, морковот исецкан на тркалца, сол, вегета, црвен пипер и црн бибер по вкус.
- Го затвораме садот и ја оставаме боранијата на тивок оган 30-40 минути откако ќе зоврие.
- Пред самиот крај додаваме ситно сецкан магдонос по желба.
На здравје!
Повеќе поврзани рецепти на Gotvi.mk:
Вкусна боранија со поховано пилешко
Здраво, вкусно, едноставно: Стар рецепт за боранија
Ручек со боранија и компир – вкусни чинии на трпеза