Брашната од Жито лукс веќе 70 години помаѓаат да направиме ремек-дела во нашата кујна. Ви претставуваме одличен рецепт за чоколадна мус торта со малини:
Состојки за пандишпан:
- 100 г брашно за колачи од Жито Лукс
- малку сол
- 50 г какао
- 120 мл врела вода
- 200 г шеќер
- 120 мл масло за јадење
- 2 јајца
- 1 лажичка екстракт од ванила
Состојки за чоколадниот мус:
- 250 г чоколадо за готвење
- 50 г какао
- 3 јајца
- 3 лажици путер
- 300 мл слатка павлака
- малини.
Состојки за декорација:
- 100 г чоколадо за готвење
- 3 лажици путер
- 1 кесичка шлаг
- 125 мл млеко
- 3 лажици какао
Начин на подготовка:
- Во сад, измешајте ги сувите состојки т.е. брашното со малку сол. Во друг сад ставете го какаото и врелата вода. Добро промешајте, па додајте го шеќерот и маслото. Со постојано мешање додавајте ги јајцата и ванилата. На крајот, додајте ги сувите состојки промешувајќи нежно.
- Претурете ја смесата во подмачкано тавче бр. 28 и печете во загреана рерна од 170 степени околу 15-20 минути. Оставете комплетно да се излади и поделете го пандишпанот на два дела.
- Совет: за да го избегнете ронењето и полесно да го поделите, пандишпанот ставете го во замрзнувач и кога ќе биде полузамрзнат пресечете го на два дела
- За подготовка на мусот, најпрво на пареа растопете го чоколадото и путерот. Додајте го какаото и промешајте. Кога смесата малку ќе се олади, додајте ги изматените жолчки од јајцата кои претходно сте ги свариле на пареа (околу 3-4 минути со постојано промешување). Промешајте ја целата смеса со чоколадо, путер, какао и жолчки и тргнете ја настрана, а за тоа време изматете ги белките во цврст снег. Додајте ја чоколадната смеса и промешајте. Потоа изматете ја и слатката павлака и измешајте ја во чоколадната смеса.
- За да ја формирате тортата, на дното на тавчето во кое се печеше пандишпанот, наредете го првиот пандишпан. Потоа врз пандишпанот ставете 80 % од смесата со чоколадниот мус. Наредете цел слој со свежи малини. Ставете го вториот пандишпан, па преостанатиот дел од смесата со мусот. Оставете во ладилник за да се стегне.
- По два часа, во сад на пареа растопете го чоколадото заедно со путерот и прелијте ја смесата (комплетно изладена) врз горниот дел од тортата.
- Израмнете од сите страни и вратете ја во ладилникот за комплетно да се стегне (уште 2-3 часа).
- Пред сервирање изматете ќесичка шлаг со какао и млеко, ставете во готварски шприц и декорирајте. Завршете со свежа малина.
Уживајте во овој вкусен десерт!
Повеќе рецепти на Gotvi.mk: