Следниот пат кога ќе посакате мусака, пробајте да ја направите по овој рецепт…
Состојки:
- 500 гр мелено телешко
- 1,5 кг модар патлиџан
- 5 црвени пиперки
- 4 домати
- 2 лути пиперки
- 1 веза магдонос
- 1 главица кромид
- 1 морков
- 1 шолја бело вино
- бибер
- сол
Начин на подготовка:
- Пропржете ги кромидот, лутите пиперки и морковот. Додајте мелено месо, ситно сечкани 2 домати, бибер и сол. Динстајте додека месото не биде готово, па тргнете од оган.
- Додајте ситно сечкан магдонос. Патлиџаните излупете ги и исечкајте ги на кругови, па благо пропржете ги. На дно на намастена тава распоредете патлиџани, ставете пржено мелено месо, исечкани пиперки и останатите два домати исечкани на коцки или кругови.
- Прелијте ја мусаката со бело вино, покријте со фолија и печете во загреана рерна на 200 степени околу 50 минути.
Добар апетит!
Сигурно не сте пробале: Направете солени рафаело бомбици
Похован кромид со кашкавал – идеално мезе за со пиво
ВИДЕО: рецепт за потпечен полнет компир
Хот-дог шпагети: Одличен рецепт кој и дете може да го направи