Србија е позната по вкусни специјалитети, а еден од најпознатите е питата гибаница со сирење. Кога ќе се додадат домашни состојки ќе биде уште повкусна!
Состојки:
- 1 пакување кори за пита
- 700 гр козјо или кравјо сирење
- 5 јајца
- 1 лажичка сол
- 1/2 шолја масло (сончогледово или друго светло масло)
- 1 шолја млеко
- 20 гр путер
Начин на подготовка:
- Загрејте ја рерната на 220 степени. Ставете козјо сирење во голем сад за мешање. Додајте јајца, едно по едно и добро разматете ги. Додајте сол, масло, млеко и матете додека не се соединат.
- Ставете еден слој кори на дното на плехот. Речиси сите останати кори натопете ги во смесата и нафрлете ги во плхеот. Сочувајте барем три кори кои ќе ги ставите на врвот, како и неколку лажици смеса. Покријте ја целата смеса со останатите кори. Исечете го путерот на неколку парчиња и ставете на корите.
- Останатата разматена смеса разматете ја со лажичка млеко и премачкајте ја горната кора.
- Печете околу 40 минути, додека не порумени. Свртете на чинија и послужете топло. Ова јадење се служи со чаша млеко или јогурт.
Добар апетит!
Сигурно не сте пробале: Направете солени рафаело бомбици
Похован кромид со кашкавал – идеално мезе за со пиво
ВИДЕО: рецепт за потпечен полнет компир
Хот-дог шпагети: Одличен рецепт кој и дете може да го направи