Печурки полнети со крем сирење

Шешири полнети со вкусен фил од крем сирење и пармезан – гастрономско уживање во мали залаци.

Рерната вклучете ја на 180 степени. Измијте ги добро шампињоните, исушете ги и отстранете ги дршките. Дршките потоа ситно исечкајте ги.
Загрејте масло во тава на умерена температура. Додајте лук и исечкани дршки и пржете додека течноста не испари, водејќи сметка лукот да не изгори.
Кога пржениот лук и печурки ќе се изладат, измешајте крем сирење, пармезан, бибер, кромид во прав и кајенски бибер. Би требало да добиете многу густа смеса.
Со лажица наполнете капачињата печурки со фил, а потоа полнетите печурки наредете ги на намастен плех (можете наместо масло да користите и хартија за печење).
Печете околу 20 минути во загреана рерна.

Добар апетит!