Едноставно и вкусно јадење, совршен ручек за целото семејство!
Состојки:
- 500 гр јунешки шницли
- 1 лажица сенф
- 1/2 лажичка лук во прав
- 1 лажичка мелен бибер
- 1 домат
- 300 мл доматен сос
- 200 мл неутрална павлака за готвење
- 1/8 лажичка изрендано мускатно оревче
- сол
- масло
Начин на подготовка:
- Јунешките шницли подгответе ги ден претходно. Исчукајте ги и истријте ги со масло од сите страни. Додајте лук во прав, бибер и сенф, потоа ставете ги во сад и затворете со пластична провидна фолија. Оставете во фрижидер да отстојат преку ноќ.
- Подгответе подебела голема тава за пржење, загрејте масло и печете ги шницлите по две минути од двете страни, потоа намалете ја температурата и прелијте ги со доматен сос и неутрална павлака.
- Додајте сечкани домати. Оставете сè да крчка додека месото сосема не омекне. Пред крај посолете по вкус.
Добар апетит!
ВИДЕО: Како да направите крцкави компири на шведски начин
ВИДЕО рецепт: Ќофтиња од компири и туна