Деликатес кој крцка: Ред тиквички, шунка и кашкавал

Ако сакате деликатес за ручек, ова е рецепт за вас.Лесно е и брзо.

Тиквичките се лупат и се сечат по должина, па се ставаат во цедалка со сол. Така се остава 30 минути.
Се цедат, па се валкаат во брашно.
Ставаме масло да се загрее, па се пржат тиквичките. Се ставаат на салфета да ја впијат маснотијата.
Се премачкува огноотпорен сад, па се става ред тиквички.
Се става над нив шунка, па рендан кашкавал, и така додека има состојки.
Обично излегуваат три слоја.
Последниот завршете го со шунка.
Се мати павлаката со јајца и се става смесата, па малку изрендан кашкавал.
Се пече на 200 степени 30 минути.