Пилешкото богато со протеини во комбинација со калорични печурки е идеална комбинација за совршен и хранлив ручек!
Состојки:
- 2 лажички маслиново масло
- 500 гр пилешки гради
- 50 гр исечкана пилешка салама
- 300 гр шампињони
- 2 главици кромид, сечкан
- 1 коцка за пилешка супа разматена во 250 мл вода
- 1 лажица јаболков оцет
- 50 гр грашок
- 1 лажица ситно сечкан магдонос
Начин на подготовка:
- Загрејте го маслото, пилешкото зачинете го по желба и испечете го од двете страни. По печењето ставете го на чинија. Динстајте ги саламата и шампињоните додека не омекнат, а потоа тргнете ги од оган.
- Издинстајте го кромидот и додајте сос од коцка супа и оцет. Гответе 2 минути, а потоа додајте ги пилешкото и шампињоните и сè заедно гответе уште 15 минути. На крај додајте грашок и магдонос и гответе уште неколку минути.
Добар апетит!
ВИДЕО: Како да направите крцкави компири на шведски начин
ВИДЕО рецепт: Ќофтиња од компири и туна