Додека се уште го чекаме првиот свеж зеленчук, послужете се со она што го имате дома.
Оваа едноставна салата е одличен прилог со различни јадња, а со својата боја и вкус ќе го освежи секој оброк.
Состојки:
- 3 моркови
- 1 портокал
- 1/2 лажичка мед
- 1/2 лажичка цимет
- прстофат сол
- десетина бадеми
Начин на подготовка:
- Морковите исчистете ги и фино изрендајте ги.
- Од портокалот исцедете го сокот и прелијте го по изренданите моркови. Додајте мед, цимет и сол
- Добро измешајте па до послужување држете ја салатата во фрижидер.
- За тоа време на тава на суво пропржете бадеми. Оставете да се изладат па исечкајте ги.
- Пред послужување салатата посипете ја со сечкани бадеми.
Добар апетит!
ВИДЕО рецепт: Ќофтиња од компири и туна
ВИДЕО: Домашен рецепт за паштета од туна која се прави за 3 минути