На грчки начин: Мусака од рендан компир

Мусаката направена од рендан компир има специфичен вкус кој нема никаква врска со обичната мусака.

Јадењето се прави лесно, единствено малку повеќе време одзема рендањето на компирите.

Пропржете сечкан кромид и лук на масло. Додајте месо, измешајте го со кромидот и сè заедно пржете уште 5 минути.
Подгответе разматени јајца со млеко и суви зачини.
Во плех во кој ќе ја печите мусаката, изрендајте половина од исчистениот компир, потоа ставете го подготвеното месо, па од горе другата половина рендан компир и сè прелијте со прелив од млеко, јајца и зачини.
Мусаката поклопете ја со фолија и печете 30 минути во рерна загреана на 200 степени, а потоа, без фолија уште 15-20 минути на 180 степени.

Добар апетит!