За следниот ручек ви предлагаме вкусно пилешко подготвено на кинески начин.
Состојки:
- 1 тиквица
- 1 домат
- 1 главица кромид
- 2 моркови
- 3 чешниња лук
- 400 гр пилешки гради, исечкани на коцки
- 3 лажици соја сос
- 2 лажици маслиново масло
- бибер
- сол
- 1 лажичка ѓумбир
- 1 коцка супа
- ориз
Начин на подготовка:
- Исечете го кромидот на ленти, тиквиците на коцки, доматот на коцки, лукот ситно и морковите исто така на коцки.
- На маслиново масло пропржете лук па додајте го пилешкото и соја сосот.
- Пилешкото мешајќи пропржете го додека не побели, па додајте кромид, тиквици, морков и домат.
- Сè добро измешајте, додајте коцка супа, сол и ѓумбир, повторно измешајте, па продолжете со динстање додека зеленчукот не биде готов, што е од прилика 15-20 минути.
- Згответе ориз, измијте гоп и исцедете го па измешајте со остатокот од месото или послужете одвоено.
Добар апетит!
ВИДЕО: Како да направите крцкави компири на шведски начин
ВИДЕО рецепт: Ќофтиња од компири и туна