Никогаш не фрлајте храна! Ако имате стар леб дома, искористете го да направите вистински деликатес кој има долга традиција.
Неверојатно вкусен десерт за сите сетила. Ова е рецептот:
Состојки:
- 1 векна бајат леб исечен на коцки
- 4 шолји млеко
- 3 јајца
- 2 шолји шеќер
- 2 лажици екстракт од ванила
- 1 шолја суво грозје
- малку цимет
- 3 лажици растопен путер
Начин на подготовка:
- Загрејте ја рерната на 200 степени. Ставете млеко во сад и со мешање додавајте ги парчињата леб, па притиснете со раце за целосно да го впијат млекото.
- Во друга чинија изматете ги јајцата со шеќерот, ванилата и цимет. Додајте го и ова во чинијата со натопениот леб, потоа ставете го и сувото грозје, па внимателно измешајте.
- Ставете го путерот на плех, па сипете ја смесата одозгора и рамномерно распоредете ја.
- Печете во веќе загреаната рерна околу 40 минути.
- Готово е кога ќе добие кафеава боја и ќе почне да се одвојува странично од плехот.
На здравје!
Прочитај повеќе Gotvi.mk рецепти:
Тече чоколадо, а врз него малини