Денот нека започне вкусно со полнети панцероти со богат фил. Ќе рашират прекрасна мирис, а често ќе се навраќате на овој појадок.
Еве како да ги подготвите:
Состојки:
- 600 гр брашно
- 3 јајца
- 100 гр сирење
- 200 гр Пекабеско шунка или друг сувомесен производ
- 20 гр квасец
- 1 лажиче шеќер
- малку сол
- 200 мл јогурт
- 100 мл млеко
- малку масло
- 100 гр кашкавал
- кечап
- оригано
Начин на подготовка:
- Во малку млако млеко растопете го квасецот со шеќер, па додајте две јајца, млеко и јогурт, малку масло, брашното и солта.
- Замесете го тестото и оставете го да нарасне. Потоа, развлечете го тестото, па со чаша вадете делови од него.
- Исечкајте го сувомеснатото и издробете го ситно сирењето. Кашкавалот изрендајте го.
- Во секое парче тесто ставете кечап со оригано, малку од сувомеснатото, сирењето и кашкавал.
- Спојте ги краевите за да добиете панцерота, па стиснете убаво да се затвори и за да не истече филот.
- Оставете ги да нараснат десетина минути, па премачкајте ги одозгора со јајцето кое остана и потоа печете ги во загреана рерна на 200 степени околу 20 минути.
- Супер се во комбинација со јогурт или кисело млеко.
Добар апетит!
Прочитај повеќе рецепти на Gotvi.mk: