Локма: Традиционален турски десерт од дворците на султаните

Начин на подготовка:

1. Направете сируп од вода, шеќер и сок од лимон. Кога ќе зоврие тргнете од оган и оставете да се излади.
2. Брашното, јајцето и омекнатиот квасец (оставете ги малку во топла вода) ставете ги во сад, додајте млака вода и замесете тесто. Оставете го да надојде 20-30 минути.
3. Во тава загрејте длабоко масло колку да ги прекрие топчињата од тесто.
4. Со рака земете малку тесто и затворете ја дланката, така што помеѓу палецот и показалецот ќе излезе малку смеса. Со лажица земајте ги тие топчиња и ставајте ги во масло, пржете ги додека не поруменат.
5. Извадете ги со лажица и веднаш ставајте ги во изладен сируп на кратко, за да не омекнат премногу. Редете ги во сад за сервирање.
6. Можете да ги прелиете со чоколадо, мед, цимет, мелени лешници или ореви.