Ако сакате да јадете нешто здраво и вкусно, a кое не дебелее, тогаш направете салата од круши и цвекло.
Еве кои состојки се потребни за да ја направите оваа салат:
Состојки:
- 500 гр цвекло
- 50 гр оцет балсамико или сок од лимон
- 1 дл вода
- малку сол
- малку бибер
- 150 гр круши
- малку шеќер
Начин на подготовка:
- Цвеклото се мие, се лупи и се сече на тенки парчиња.
- Во лонец се ставаат оцетот и децилитар вода, па малку сол и шеќер.
- Се додава цвеклото и се остава да се вари на тивок оган додека малку да омекне.
- Крушите се мијат, се лупат и се сечат на тенки парчиња.
- Се додаваат пред крајот на варењето во лонецот, па сè заедно се вари дополнителни 10 минути.
- Сервирајте во чинија, а може да додадете сос по вкус.
Оваа салата е исклучително здрава поради цвеклото кое е богато со минерали, помага против анемија, додека крушката помага за правилна работа на стомакот и варење на храната.
Има и состојки кои го намалуваат холестеролот и шеќерот во крв.
Не ги преварувајте состојките за да не ги изгубат хранливите вредности.
Напомена: Природните рецепти не се замена за традиционалната медицина, ниту за лекарствата препишани од доктор. Природните рецепти служат само како додатоци во исхраната и превенција. Не ги употребувајте доколку сте преосетливи на некоја од природните намирници.
Прочитај повеќе на Gotvi.mk:
Цезар салата + 2 рецепта за дресинг соса
Свежа салата која топи килограми и ја враќа концентрацијата
Топ 5 рецепти за пролетни салати со марула
Малиџано – одличен домашен рецепт