За ова најверојатно не сте чуле и сигурно не сте го пробале. Направете палачинка-сарми кои имаат неодолив вкус, а воедно и супер крем врз нив.
Ова е рецептот кој е навистина посебен:
Состојки за палачинки:
- 300 гр брашно
- 1 јајце
- малку сол
- 300 мл минерална вода
- масло
Состојки за фил:
- 400 гр пилешко варено месо
- 200 гр сирење
- 150 гр кајмак
- 1 јајце
Состојки за прелив:
- 200 мл Пекабела павлака
- 2 жолчки
Начин на подготовка:
- Се матат состојките за палачинките со миксер, се загрева масло на тава и се печат палачинките според стандардна процедура.
- Ситно се сече пилешкото месо кое претходно треба да го сварите во солена вода, се меша со издробеното сирење, кајмакот и јајцето.
- Се става филот на палачинките, се виткаат, па се редат во огноотпорен сад.
- Се преливаат со мешавината од павлака, жолчки и сол.
- Се печат во загреана рерна на 220 степени околу 20 минути. По желба можете одозгора да им ставите и малку павлака.
Добар апетит!
Прочитај повеќе на Gotvi.mk: