Ручек за половина час: Вкусно пилешко со пченка

Зимските попладна се идеални за дружење со семјетвото, па затоа е добро што помалку време да поминувате во кујна.

Еве еден рецепт за ручек кој брзо и лесно се подготвува, а уживањето е гарантирано.

Белото месо исечете го на ситни парчиња, посолете и побиберете, па спуштајте во загреано масло кратко да се пржат. Готовото месо извадете го од маснотијата и оставете го на топло.
Во маслото во кое се пржело пилешкото ставете излупени и ситно сечкани домати. Крчкајте ги доматите додека не пуштат сок, додајте пченка, ставете зачин и продолжете да крчкате додека пченката не биде зготвена.
Во готовиот сос вратете го прженото пилешко месо, добро измешајте и уште малку гответе додека месото не ги впие соковите.
Послужете топло и добар апетит!