Направете го омилениот десерт на сите генерации за кој даваме куп пари. Бајадера готова за 20 минути, со малку состојки, без печење, миксер, и без мака.
Еве како да го направите:
Состојки:
- 9 лажици вода
- 200 гр шеќер
- 150 гр мелени ореви
- 250 гр мелени бисквити
- 170 гр маргарин
- 100 гр чоколадо за готвење
Состојки за глазура:
- 100 гр чоколадо за готвење
- малку масло
Начин на подготовка:
- Во тенџере на оган се ставаат шеќерот и водата и се оставаат додека шеќерот да се стопи. Се додава маргаринот и се трга од оган.
- Додајте ги и оревите и бисквитите и мешајте, па смесата која сте ја добиле поделете ја на два дела.
- Растопете го чоколадото на пареа и ставете го во едниот дел од смесата, а другиот дел оставете го како што е.
- Ставете хартија за печење на работната маса, па ставете ја прво смесата со чоколадото и со рацете обликувајте квадрат, па ставете ја врз него смесата без чоколадо и натапкајте.
- За глазурата се растопува чоколадото со масло и се прелива врз бајадерата.
Уживајте во овој вкусен десерт 🙂
Прочитај поврзани Gotvi.mk рецепти:
Трилече – неверојатно вкусен домашен специјалитет
Неодоливо вкусна: Домашна торта со јагоди
Возможно е – еве како да направиш торта за 10 минути