За следниот ручек ви предлагаме да подготвите свински врат со зеленчук.
Состојки:
- 4 парчиња свински врат, без коска
- 3-4 свежи пиперки, исечкани
- 2 главици кромид, исечкан
- 3 чешниња лук
- морска сол
- свежо мелен црн бибер
- свинска маст или маслиново масло
- магдонос лист
Начин на подготовка:
- На малку загреана маст пржете го посоленото месо, со повремено превртување, да омекне и да добие златно смеѓа боја.
- Во друга тава, на загреана свинска маст пропржете цели чешниња лук. Кога ќе почнат да руменат тргнете ги од тава, а на истата маснотија додајте кромид и пиперки и пржете да омекнат. Посолете и побиберете.
- Месото со зеленчук послужете го со зелка салата.
Добар апетит!