Знаеме дека сите обожавате палачинки, но дали некогаш сте го пробале овој рецепт? Данските палачинки се разликуваат од обичните и по својот вкус, и по својот облик.
Состојки:
- 250 гр брашно
- 1/2 лажичка сол
- 1/2 кесичка прашок за печиво
- 1/2 кесичка ванилин шеќер
- 4 дл павлака
- 100 гр путер
- 3 јајца
- 1 лажичка шеќер
Начин на подготовка:
- Одвојте ги жолчките од белките. Разматете шеќер и белки во цврста маса. Во друг сад разматете жолчки, брашно, сол, шеќер и прашок за печиво.
- Тие две смеси измешајте ги, а на крај додајте павлака. Растопете путер и додајте во смесата кога малку ќе се излади.
- Во лонец ставете масло и загрејте го на средно силен оган. Со лажица земајте од смесата и спуштајте во загреано масло. Готови се кога од сите страни ќе добијат златно жолта боја. Извадете ги, исцедете ги од масло на салфети и сервирајте ги со џем, слатки намази или посипете ги со шеќер во прав.
Уживајте!
Прочитај поврзани Gotvi.mk рецепти:
Трилече – неверојатно вкусен домашен специјалитет
Неодоливо вкусна: Домашна торта со јагоди
Возможно е – еве како да направиш торта за 10 минути
ВИДЕО: Рецепт за еклер чоколадна торта која не се пече
За секоја прослава – Тигар торта