Од бомбици никогаш доста, вкусот им е одличен, лесно и брзо се прават.
Овој пат ви нудиме рецепт за чоколадни бомбици без мака и печење кој се прави вака:
Состојки:
- 200 гр чоколадо
- 20-25 мл рум
- 100 гр шеќер во прав
- 100 гр маргарин
- 1 лажиче екстракт од ванила
Начин на подготовка.
- Чоколадото се растопува заедно со маргаринот во сад на тивок оган, се додаваат румот и екстрактот од ванила и се чека да се соедини смесата.
- Се додава постепено и шеќерот во прав, се меша смесата и потоа се остава да се излади околу 30 минути во ладилник. Секако прво оставете ја неколку минути на собна температура пред да ја ставите во ладилник.
- Се обликуваат бомбици од смесата и убаво се поминуваат во смеса по избор (кокос, мелени бисквити, мелени ореви, чоколадни или шарени мрвици). Ние избравме мелени ореви за оваа прилика.
- Оставете ги повторно во ладилник.
Уживајте во слаткиот вкус на овој десерт.
Повеќе десерти на Gotvi.mk:
Домашни крем банани – вкусот на детството
Вкусна обланда со плазма и ореви
Обланда бомбици – вистински хит