Компир пита со праз: Едноставно, брзо и вкусно!

Начин на подготовка:

1. Празот исечкајте го на тенки кругови па пропржете го на масло, додајте сол и бибер и на крај изрендан компир, па сè добро измешајте. Раширете ја првата кора на маса, па малку премачкајте ја со масло. Преку неа ставете друга кора и по неа премачкајте две лажици фил и еднакво распоредете.

    

2. Ставете уште две кори една преку другата, премачкајте со фил, потоа свиткајте ги краевите, замотајте во ролна и ставете на намастен плех. Постапката повторувајте ја додека има материјал. Ролните од горе премачкајте ги со масло и ставете во рерна која сте ја вклучиле на 200 степени, па намалете на 190. Печете околу 40 минути. За време на печењето покријте ја питата со фолија.