Ароматични компири со кромид и моркови, со додаток на сланина. Послужете ги со кајмак и уживајте!
Состојки:
- 1 кг компири
- 3 главици црвен кромид
- 2 моркови
- 1 лажичка црвена пипер
- 1 чешне лук
- рузмарин
- сол
- бибер
- малку масло
- чадена сланина Пекабеско
- 30 гр путер
Начин на подготовка:
- Една главица црвен кромид издинстајте со сланина на малку масло. Компирите излупете ги и исечкајте ги на кругови. Морковите излупете ги и исто така исечкајте ги.
- Во огноотпорен сад на дното наредете пропржен кромид и сланина.
- Компирите намастете ги и наредете ги во круг, наизменично со кромид и сланина. Растопете го путерот, додајте пипер и лук. Со смесата премачкајте ги компирите.
- На крај посолете и побиберете. На врвот ставете рузмарин.
- Првите 20 минути печете ги компирите прекриени, а потоа уште приближно 30 минути, додека компирите убаво не се запечат.
Добар апетит!
Сигурно не сте пробале: Направете солени рафаело бомбици
Похован кромид со кашкавал – идеално мезе за со пиво
ВИДЕО: рецепт за потпечен полнет компир
Хот-дог шпагети: Одличен рецепт кој и дете може да го направи