За следниот ручек подгответе турски ѓувеч. Вкусно јадење за целото семејство.
Состојки:
- 3 пилешки батаци со карабатаци
- 1 главица црвен кромид
- 1 модар патлиџан
- 1 црвена пиперка
- 1 зелена пиперка
- 4 поголеми домати
- 150 гр колбас
- 2 чешниња лук
- 2 лажици ајвар
- 5 дл пилешка супа
- 60 гр ориз
- масло
- мешавина од зачини
- бибер
Начин на подготовка:
- Батаците одвојте ги од карабатаците и зачинете ги по вкус.
- Црвениот кромид исечкајте го на коцки, пиперките исчистете ги и исечкајте ги на покрупни коцки.
- Модриот патлиџан излупете го и исечкајте го на коцки, доматите на парчиња, а лукот исечкајте го што поситно. Колбасите исечете ги на кругови.
- На малку масло пропржете го пилешкото од сите страни да порумени. Продолжете со динстање доливајќи пилешка супа по потреба додека пилешкото не омекне, а вишокот течност не испари. Потоа батаците извадете ги од маснотијата и оставете ги на топло.
- На маснотијата од месото пропржете црвен кромид и лук, а потоа додајте пиперки и патлиџан и кратко пропржете.
- Потоа додајте домати, ориз и зачини по вкус и продолжете со динстање додека оризот не омекне (по потреба доливајте малку супа).
- Пред крајот на готвењето додајте колбаси и ајвар, вртатете ги батаците и заедно кратко гответе.
Добар апетит!
Градинарска пита – направете вкусен фамилијарен ручек за помалку 150 денари
Едноставен појадок кој сите ќе ги воодушеви
Рецепт за вистински пица деликатес
Полнети печурки – лесен рецепт кој сите ќе ви го бараат