Шакшука е омилен доручек во Африка, а се подготвува ширум светот. Наместо сланина можете да ставите и колбас или шунка.
Состојки:
- 3 јајца
- 300 гр домати пелат
- 1 главица кромид
- 1 црвена пиперка
- 1 чешне лук
- 1 лажица маслиново масло
- 100 гр сланина
- куркума
- црвена пипер
- мајчина душица
- магдонос
- сол
- бибер
Начин на подготовка:
- Исечкајте кромид, лук и пиперка. Сланината исечкајте ја на коцки. Во длабок сад на маслиново масло пропржете ја сланината, додајте кромид и пржете околу пет минути. Додајте пиперка и пржете додека малку не омекне, па додајте иситнет лук. Ставете домати, сол, бибер и зачини. Динстајте поклопено околу 10 минути, па ставете јајца во сосот.
- Гответе поклопено уште десетина минути, додека јајцата не стегнат. Посипете со мајчина душица и магдонос па послужете со потпечен леб.
Добар апетит!