Една од главните состојки на традиционалната македонска трпеза е токму киселото млеко. Ви предлагаме рецепт за полнети тиквички со кисело млеко. Еве како да ги приготвите:
Потребни состојки:
- 2 тиквички
- 300 гр мелено месо
- 150 гр ориз
- 1 кромид
- 1 супена лажица мешан зачин, сол, бибер
- 4 јајца
- 500 гр Битолско кисело млеко
Начин на подготовка:
- Во загреано масло се запржува кромидот, па се додава месото, а откако ќе се запржи, се додава и оризот и се зачинува.
- Тиквичките се лупат и се длабат, па се полнат со меленото месо.
- Се ставаат во земјена тава и се попрскуваат со масло, а тавата се полни со вода, доволно колку да ги покрие.
- Се пече подолго, во загреана рерна, со цел убаво да се загрее тавата, а откако тиквичката ќе биде варена, се прелева со матени јајца со кисело млеко и се допекува уште малку за да фати кора.
- На ова јадење може да се додаде и јаболков оцет.
На здравје!
Повеќе на Gotvi.mk:
Домашни колачиња со парчиња чоколадо и путер
Путер кифли – Рецепт кој ќе ве врати во детството
Која е тајната на совршените домашни колачиња и кифли?
Ново семејно пакување – Битолско кисело млеко за целосно уживање