Со векови Русите имаат традиција за правење на ова специјално јадење – пирошки, односно пирога, кои се полнат со разни филови и се послужуваат во секакви прилики.
Ова автентично руско јадење е составен дел од нивната богата кујна, а Русите вакви пирошки подготвуваат во секое годишно доба.
Состојки за тесто:
- брашно
- квасец
- вода
- сол
Состојки за фил:
- 1 кг мелено јунешко
- 1 главица кромид
- 2 лажици путер
- 3 варени јајца
- сол
- бибер
Начин на подготовка:
- Подгответе го тестото и оставете го да се подигне, па почнете со подготовка на филот.
- Кромидот ситно исечкајте го и пропржете го на путер, додајте месо, додбро пропржете го па зачинете го по вкус.
- Оставете го месото да се излади. Јајцата ситно исечкајте ги и измешајте ги со месото.
- Развлечете го тестото на даска, посипете со брашно и развлечете го со дебелина на еден прст. Мора да биде подолго и пошироко од плехот во кој ќе ги печите пирошките.
- Плехот намастете го со путер, на него ставете го развлеченото тесто, распоредете фил, па прекријте со краевите од тестото од сите четири страни, така што филот ќе биде целосно прекриен, а краевите од тестото притиснете ги со прсти да се состават. Ако сакате, можете да го сечете тестото и да подготвите повеќе помали пирошки посебно.
- Оставете половина час да надојде, па испечете во рерна загреана на 220 степени 45 минути. Сечете на правоаголници и послужете топло.
Добар апетит!
ВИДЕО: Како да направите крцкави компири на шведски начин
ВИДЕО рецепт: Ќофтиња од компири и туна