Исклучително вкусен ролат кој лесно ќе го направите, без брашно па погоден е за оние кои се на посебна безглутенска исхрана. Филот можете да го прилагодите по свој вкус.
Состојки:
- 2 помали тиквици (500 гр)
- 5 јајца
- 150 гр кашкавал
- сол (1 лажичка за кората и 2 прстофати за тиквиците)
- неколку листови магдонос
Состојки за фил:
- 200 гр крем сирење
- 150 гр тенко сечкани димени пилешки гради (може и нешто друго)
Начин на подготовка:
- Тиквиците добро измијте и неизлупени изрендајте ги, посолете и оставете околу 15 минути. Потоа исцедете ги и измешајте ги со разматени јајца. Посолете, додајте исечкан лист магдонос и изрендано сирење. Излејте во тепсија обложена со хартија за печење и печете околу 30 минути на 180 степени.
- Оставете кората да се излади па премачкајте ја со крем сирење, наредете пилешки гради и свиткајте. Пред сечењето ролатот задолжително треба да отстои во фрижидер за да стегне и да се спојат вкусовите.
Добар апетит!
ВИДЕО рецепт: Ќофтиња од компири и туна
ВИДЕО: Домашен рецепт за паштета од туна која се прави за 3 минути