Оваа пита се прави со мелено месо и сирење, а се додаваат и други состојки. Овој специјалитет е карактеристичен на Балканот, а неговиот вкус е феноменален!
Состојки:
- 750 гр кори за пита
- 500 гр мелено месо
- 400 мл кисела павлака Пекабела
- 750 гр сирење
- магдонос
- 1 главица кромид
- 5 јајца
- 1 лажица мешавина од зачини
- 1/2 лажица копар
- масло
- сол
- мелен црн бибер
Начин на подготовка:
- Во тава со загреано масло испржете ситно сечкан кромид. Кога ќе омекне, додајте мелено месо. Посолете, побиберете, додајте лажица мешавина од зачини, копар, исечкан магдонос и измешајте.
Во длабок сад крупно изрендајте сирење, додајте 4 јајца и 200 мл кисела павлака. Посоелете и соединете ги состојките. - Намастете тепсија и ставете кора, која ќе ја свиткате до големината на тепсијата, па ставете уште една кора. Нанесете го испрженото месо со кромид и уште 6 згужвани кори. На нив ставете фил од сирење, јајца и павлака. Потоа нанесете згужвани кори, во целост прекривајќи го филот.
- На корите ставете мелено месо, па уште две кори. Пропрскајте ги корите со масло и премачкајте ја целата површина.
- Печете еден час на 180 степени. Исечете ја питата на парчиња и потоа останатата павлака разматете ја со јајце и нанесете на секое парче пита. Печете уште 40 минути на иста температура, па послужете.
Добар апетит!
Сигурно не сте пробале: Направете солени рафаело бомбици
Похован кромид со кашкавал – идеално мезе за со пиво
ВИДЕО: рецепт за потпечен полнет компир
Хот-дог шпагети: Одличен рецепт кој и дете може да го направи