Брз рецепт за вкусна путер погача

Кога ќе ја пробате погачата направена по овој рецепт, ќе заборавите на обичните теста. Ќе ви биде задоволство да подготвите путер погача каква што не сте пробале досега!

Состојки:

600-700 гр брашно
2 јајца
30 гр квасец
300 мл млеко
100 гр путер
50 мл масло
малку шеќер
малку сол
1 жолчка
сусам

Начин на подготовка:

Во малку млако млеко растворете квасец со лажица шеќер, потоа, додајте 2 јајца, масло и остатокот од млекото. Додајте брашно, сол и замесете средно тврдо тесто.
Оставете го во сад да нарасне, па развлечете го. Премачкајте го со растопен путер, па свиткајте.
Сечете ролати и редете ги во намастен плех. Во средина комбинирајте што сакате. Оставете ја погачата малку да нарасне, премачкајте ја со жолчка и посипете ја со сусам.
Печете на 200 степени 45 минути. Пред крајот на печењето намалете ја температурата на 180 степени.