Научете како да направите најкрцкави пекарски компирчиња по рецептот на грчкиот готвач Акис Петретзикис. Од надвор крцкави, а внатре меки, еве во која состојка е тајната.
Состојки:
- 1 кг компири
- 2 лимони
- 1,5 л вода
- 1-2 лажици мајчина душица или оригано
- 2 чешниња лук
- 75 мл маслиново масло
- 3 супени лажици гриз
- сол
- бибер
- 1 кафена лажица пипер
Начин на подготовка:
- Исчистете ги компирите, а потоа исечкајте ги на четири дела. Засечете ја со нож секоја страна на парчињата компири, како би добиле убав вкус при печењето.
- Ставете ги во тенџере, исцедете два лимони, ставете ги и корите, прелијте со литар и половина вода и чекајте да зоврие. Потоа нека се готват во врела вода 10 минути.
- За тоа време загрејте ја рерната на 200 степени и веднаш ставете празен плех во неа.
- После десет минути процедете ги компирите и фрлете ги корите од лимон. Во посебен сад ставете ги компирите и оставете ги да се изладат на пет минути.
- Потоа додајте маслиново масло, мајчина душица, ситно сечкан лук, пипер, гриз, сол и бибер.
- Измешајте сè да се соедини, а потоа во врелиот плех наредете ги компирите.
- Печете 30-40 минути, а на секои 10 минути вртете ги како би се добила крцкава кора на сите страни.
- Послужете со месо по желба.
Добар апетит!
Леонардо ди Каприо – Еве која диета ви ја препорачува
Северина со нов спот, а ние ве потсетуваме која диета ја држеше кога беше бремена
Мајката на Јелена Крлеуша: Еве како конечно ја победив зависноста од храна!
Адријана Лима открива: Рецепт за утринско смути и совети за диета
Ким Кардашијан откри како ослабе 15 килограми за 2 месеци