Пилешко во тесто. Топло и сочно јадење за цело семејство!
Необичниот ручек во вид на пита ќе направи вашиот дом да замириса, а домашните да се чувствуваат пријатно и убаво.
Состојки:
- 3 батаци со карабатаци
- 200 гр брашно
- 2 јајца
- 400 мл млеко
- 100 мл слатка павлака
- сол
- пипер
- масло
Начин на подготовка:
- Одвојте ги батаците и карабатаците, посолете, па во тава пропржете го месото, прво на посилен, а потоа на среден оган. Гответе го месото околу 15 минути поклопено, но да има од каде да излегува пареата.
- Додавајте малку вода, за месото да не почне да се лепи за дното.
- Брашното разматете го со јајца и малку млеко, со вилушка, да се добие глатко густо тесто. Додавајте млеко и мешајте постојано. Тестото ќе биде како тесто за палачинки. Додајте лажичка сол и малку пипер и други зачини ако сакате.
- Во четвртаст плех ставете две лажици масло, разлејте, ставете во рерна маслото да загрее. На врелото масло ставете го тестото, па наредете го месото.
- Печете околу 30 минути на 180-200 степени, па извадете.
- Прелијте со слатка павлака со малку сол па вратете го уште десетина минути во рерна.
Послужете топло!
Градинарска пита – направете вкусен фамилијарен ручек за помалку 150 денари
Едноставен појадок кој сите ќе ги воодушеви
Рецепт за вистински пица деликатес